英國之旅第一日 - 奧脫福球場(2)
繼續帶大家去曼聯嘅stadium tour，入到球場，當然係周圍影吓相啦...而家身處嘅仍然係North Stand，而Nike標誌嘅係East Stand。 West Stand 又名為 Stretford End，係曼聯最忠心嘅粉絲嘅聚腳點。 陽光普照嘅下午。 望返East Stand，下面Tier-1有部分係傷殘人士嘅座位(藍色有人嘅位置)，而相片上方嘅就係奧脫福球場嘅電子記分牌。球賽進行嘅時候，比數就會顯示喺度。 先行返入室內，跟住會行過去East Stand。球場入面有賭波嘅counter，當然係俾球迷喺球賽日即場落注啦。咦，係聽日(23-Oct-2013)對皇家蘇斯達嘅首球賠率喎，邊個抵買呢？ 喺 East Stand 望返去 West Stand 同 North Stand 呢位係stadium tour 嘅 tour guide，每次講解都係七情上面。 俾多張相大家睇 Munich Clock，紀念當年嘅慕尼黑空難 Munich Clock，係喺East Stand，呢面亦有一條MunichTunnel 講述當年空難事件對球隊嘅影響。 下一個景點係press conference room，先睇吓莫耶斯嘅片段啦。跟住... 費sir！ 當然係假㗎啦 由South Stand望返去Sir Alex Ferguson Stand 介紹吓South Stand 啦，右手面棗紅色嘅係貴賓座位，費sir睇波都係坐呢度。遠一格嘅係俾傳媒同評述員嘅座位，再遠啲嗰個係講波廂。 好期待... 入更衣室之前，會去到player's lounge，係球員賽前用餐嘅地方 唔多講更衣室喇，睇相啦！ 呢條係舊嘅player's tunnel，不過今次無緣參觀新嘅player's tunnel 入到dugout，即係球隊嘅後備席 入返隧道影多兩張相，整個一小時嘅stadium tour就完結喇。 遠道而來，行一個鐘梗係唔夠啦，我跟住就喺球場外面行左一陣。 Sir Matt Busby