韓國之旅 - 亞洲聯賽冠軍盃 (1)

大家可能等我出post講睇歐聯睇英超... so sorry, 近日嘅韓國之旅要先插隊出post啊 ! 今日先帶大家到韓國首都首爾, 入場睇嘅係上星期二舉行嘅亞洲聯賽冠軍盃(亞冠盃)分組賽第四週嘅賽事 - 主場嘅FC首爾迎戰日本嘅廣島三箭。

先教大家去FC首爾嘅主場, 首爾世界盃競技場, 位於首爾麻浦區, 筆者由地鐵二號線市廳站（201）出發，乘坐地鐵二號及六號線, 於首爾世界盃競技場站(619)落車，需時約半小時。球場就喺出口上面。

上到一半，吓，點解嚟咗百佳？

其實球場底層係一個商場，呢度係超市HomePlus

再上一層，見到FC首爾嘅banner

先到售票處買波飛，紅色區係俾主隊球迷嘅，位於東北兩個看台，不設劃位嘅波飛，每位於14000won, 大概105蚊港幣。估唔到100蚊到就可以睇到韓日大戰。
南看台（圖中灰色部分）係留俾客隊球迷嘅，而球員出場時會面向嘅西看台（圖中黃色部分）就係貴價嘅劃位區。

買到波飛喇，可惜我係唔識韓文的，只係知道去邊個閘口入場。

入場前再到場外行吓

球隊嘅主教練, 崔龍洙嘅banner

五號球員應該係大家最為熟悉，曾經在德國踢波嘅車斗里

場外嘅紀念品攤位

場外嘅櫻花

好，入球場

仲有一個鐘先開波，所以球場都冇乜人。

主隊打氣區

 亞冠盃嘅標誌

FC首爾嘅吉祥物

客隊打氣區

講咗咁耐都肚餓喇，揾啲嘢食先...

食住等開波嘅係韓國年糕 ... 好辣呢 ...

今集就寫到呢度，下次繼續直擊呢場亞冠盃嘅賽事。